Isa pang rice

Si Katrice

2007-08-10T12:02:00.000+08:00

Magandang maulan na araw sa inyong lahat. Isa na namang matangkad na ang aking nakatrabaho nitong linggo lamang. Nangailangan ako ng isang mommy kaya'y si Katrice ang nakatulong sa akin.

Elitista

2007-08-05T20:28:00.000+08:00

Siya si Lay, isang elitista. Nangailangan ako ng isang matangkad na kasamahan sa isang proyekto kaya't siya ang minsan kong nakatrabaho.

Doble naman

2007-01-21T20:22:00.000+08:00

Pagkatapos laman g ng apat na na araw (Nov23)...

Uy dalawa sila!

Si Diana

2007-01-21T19:40:00.000+08:00

Nov 19, laban ni Pacman -laban ko rin!

Si Patring

2006-10-15T00:09:00.000+08:00

Noong bago pa man ako nagpunta sa bansang Aleman (ito ay nasa susunod na post) ay aking nakasama si Patring sa isa sa aking mga proyekto at research. Si Patring ay sa kasalukuyang nagaaral sa isa sa mga computer colleges sa Makati. Nakatira siya sa isang condo na malapit rin naman sa kanyang pinagaaralang kolehiyo. Ang kanyang naging partisipasyon sa aking kakaiba na namang imbensyon ay ang epekto ng involuntary muscle contraction (o IMC ) at kung paano ito mako-control. Tila ba baguhan pa lamang siya sa kanyang kakayahan at sa katagala'y magiging bihasa na rin siya dito kung matutupad nya lamang ang aking mga payo na nakasaad naman sa research papers na aking ibinigay sa kanya.

Mahilig din pala si Patring sa bunjee jumping ngunit sa ibang research ko naman ito sa inyo ibabahagi.

Ang Bagong EXTRA™ Nuclear Bomb !!!

2005-11-06T18:50:00.000+08:00

Makaraan ng halos isang buwang paghahanda

Ihinanhandog ang

Bagong

EXTRA™

Nuclear

Bomb

with Insecticide

Narito na po kaibigan ang bago kong imbensiyon na natatangi sa sanlibutan sapagkat ito lamang ay may patented na insecticide. Wala nang iba pang bombang nukleyar sa mundo ang mas epektibo pa sa pagpuksa ng buhay sa sanlibutan sapagkat kahit IPIS patay!!!

Ayon sa pag aaral ng iba't ibang siyentipikong dalubhasa sa epekto ng bombang nukleyar, totoo ngang ang mga ipis lamang at ang mga hayop na tulad nito ang pawang magiging tagapagmana ng sanlibutan sapagkat hindi sila naaapektohan ng mga konbensiyonal na bombang nukleyar.

Sa panibago kong imbensyon na ito, siguradong kahit IPIS ay hindi na magiging tagapagmana ng daigdig.

Simulan na po ninyo ang pag order sa nukleyar na sandatang ito. Ang unang tatlong order ay may libreng remote control sa compatible naman sa EXTRA™ Nuclear Bomb.

Check Operator Services

2005-10-14T21:23:00.000+08:00

Malubha ang karamdaman ng aking PIII desktop computer sapagkat hindi na nya kayang ma install ang kahit anong lancard sa kahit saang slot sa loob ng motherboard. Hindi pa naman ako sanay mag post kung ibang computer ang gamit ko ngunit sa tagal nga ng downtime ng jurassic kong computer, napilitan na lamang akong gumamit ng iba.

Abangan na lamang ang pinakamahalagang imbensyon ng dekada, na aking ilalahad sa susunod kong post.

Labindalawang Oras

2005-09-25T18:21:00.000+08:00

Wow! Dalawang linggo ko nang di na update ang site na ito. Totoo ngang nabaling ang mga oras ko sa pangkasalukuyan kong research. Nagbunga rin naman ngunit noong biyernes lamang. Hindi ba't may kasabihan tayong : Pag may tiyaga may nilaga at honesty is the best medicine?

Sept 23, 2005
8:00PM - Chowking Buendia: Doon lang ang antayan
8:45PM - SideBar Malate: Kumain ng spicy beef at pizza, sinimulan na si pareng Light
10:00PM - Unplugged Malate: Tuloy ang inuman. Kasama pa rin si pareng Light at ang mga bago niyang kaibigan na sina Martini (dry), Mai-Tai, Manhattan, at si Tequila Rose (ang pumalit kay Bailey's dahil may sakit). Tumador pala itong si Cookie Chua ng Black Label at tubig (habang kanyang kinakanta ang walang kamatayang Paglisan.

3:30AM - Starbucks Malate: Umalis na si pareng Light at ang kanyang mga kaibigan. Pumalit naman si Cafe Moccha at ang kanyang pinsang si White Choco
7:00AM - Jollibee Guadalupe: Masarap mag almusal ng corned beef at Cheesy Beef Fries?

8:00AM - matapos ng 12hrs: (larawa'y panandaliang inalis) . Umm..

And Bagong EXTRA™ CD-Burner

2005-09-09T20:32:00.000+08:00

ITINATANGHAL!!

ANG

BAGONG...

EXTRA™

CD-BURNER

Malugod kong itatanghal ngayon ang isa sa aking mga pinakabagong imbensyon. Ito ay produkto ng 3 araw kong research sa larangan ng Information Technology. Ito ay ang bagong EXTRA™ CD-Burner. Narito ang specs:

100x Speed
works on all types of CDs (CDR, CDRW), DVDs (DVR+/-R, DVD+/-RW, DVDRAM)
works even on tapes and vinyls
connects via USB, Bluetooth, Wireless LAN , or infraRed
tested 100% compatible on all operating systems

Ang kagilagilalas na produktong ito ay maaari nang mabili sa halagang P49,950 lamang. Magpadala lamang ng email sa nasaad na Blog upang makakuha ng espesyal na presyo. Siguradong wala ng mas bibilis pa sa kakayahan ng bagong EXTRA™ CD-Burner (burner, burner.. burner...).

Top 10

2005-09-06T12:26:00.000+08:00

Tila ba nauuso na talaga ang mga MP3 players na kung saan mailalagay na dito ang ating mga paboritong awitin na maari na nating dalhin saan mang lugar sa kadahilanang ito'y may kaliitan. Sa dami din namang awitin na maari ditong ilagay, hindi kailang mayroon tayong mga awiting ating kinahihiligang pakingggan palagi. Para sa akin nama'y mayroon akong 10ng kinahihiligang kanta sa aking player. Ayon sa antas, ito ay ang sumusunod:

10. 11 AM - Incubus
9. Megalomaniac - Incubus
8. Aqeous Transmission - Incubus
7. Nice to Know You - Incubus
6. Are You In - Incubus
5. Mexico- Incubus
4. Southern Girl - Incubus
3. Drive - Incubus
2. Here in my Room - Incubus

at ang ika-una sa listahang ito:

1. I Know - Yasmien Kurdi

* * *

Kung si Ms. Yasmien na rin ang pag uusapan, hindi kaila sa mga nakamulat ang mata ang malapit na hawig ni Ms. Yasmien kay Josh, ang isa kong bagong kaibigan. Si Josh ay panganay sa anim na magkakapatid at isa siyang Libran. Mahilig ding umawit si Josh ngunit hindi niya kabisa ang sikat na awitin ni Ms. Yasmien. Nakasama ko si Josh sa isa sa aking mga research tungkol sa kakaibang kabutihan ng nicotine sa uterus ng isang babae. Ngunit siya nama'y may ilang bagay ding pinagkakaabalahan noon kaya't ang research na ito ay naudlot at itutuloy na lamang sa katapusan ng taon, na ayon kay Josh ay tunay nya na ngang pagbubuksan ang pagkakataon upang lubusan nang matapos ang aming nasabing research.

Hawig naman kaya ni Ms. Katrina Halili ang nagbibihis sa larawan sa likod ni Josh?

* * *

Samantala, sa bago kong proyekto, nangangailangan naman ito ng partisipasyon ni Ms. Sheree, o malamang, sa tulad ng mga nauna pang pagkakataon, ang kamukha na lamang nito..

She Bangs!!

2005-08-30T19:55:00.000+08:00

Noong isang linggo ay may bisita akong isang intsik na nagngangalang Simon. Maliit syang tao at may kakatwang hawig kay William Hung.

Marahil ay wala rin talagang hilig sa pinoy food si William Hung tulad ni Simon. Sa ikalawang beses kong pagdala kay Simon sa pinoy style na kainan ay bahagya niyang isinaad na hindi niya gaanong naibigan ang panlasa ng nasabing pagkain. Ibig niya pa rin talaga sa kaniyang tinubuang pagkain na chinese style. Sa pagkapansin kong katamlayan ni Simon ay dinala ko siya sa isang lugar na kadalasang pinupuntahan ng nag iisang lalaking banyaga. Noon ko lang nakitang lumaki ang mga mata ng nasabing intsik..

The Kindly Ones

2005-08-26T12:58:00.000+08:00

Sa kasalukuya'y inuunti-unti kong basahing muli ang graphic novel na The Kindly Ones ni Neil Gaiman. Ito ang ika-9 na bahagi ng kanyang Sandman storyline. Ang kopyang nasa akin ay ang paperback na 3rd edition printing ng nasabing aklat. Ito ang pinakamakapal sa lahat ng Sandman collection sapagkat ito ay binubuo ng 13 comics. Ito ay may kapal na isang pulgada at marahil nga'y mahaba ang aklat na ito para basahin sa isang upuan.

Nilalaman ng aklat na ito ang pahahanap ng katarungan ni Hyppolita Hall sa pagkamatay ng kaniyang anak na si Daniel. Hiningi niya ang tulong ng mga Furies upang paghigantihan si Dream na sa kanyang akala ang kumitil ng buhay ng kanyang anak. Sa kahuliha'y nagtagumpay si Hyppolita sa kanyang hangarin laban kay Dream, at ipinakita din dito ang pagpalit ng yumaong Daniel sa bago namang aspeto ni Dream. May saysay lamang ang mga nasaad ko rito kung mayroon nang alam ang mambabasa sa una nitong 8 naunang aklat.. abangan?

Ang Bago Kong Laptop

2005-08-21T20:00:00.000+08:00

Paguwi ko noong sabado galing Iloilo ay natambad sa akin ang bago kong laptop na aking lubos na ikinatuwa. Ito ay ang poging-poging HP Compaq Presario M2202. Di man masyadong mabilis ang ganitong modelo ay mainam naman ito kaysa sa ginagamit kong Jurassic na laptop. Ito ay may wifi, card reader, 512Mb na memory, at DVD combo drive. Mayroon din itong Altec Lansing na speakers na kung saan ang mga awit ni Andrea Corr sa kanilang MTV Unplugged DVD ay tumutunog nang napakainam.

Sa kasalukuya'y sa laptop na ito ko ipinapatakbo ang mga kalkulasyon ng permutations sa aking relative multiverse equation o ang RME. Tinantantya ng equation na ito ang mga posibilidad na bilang ng universe na may katulad o hawig sa ating uniberso sa aspetong pisidad na maaring mabuo magmula noon pang pasimula o ang tinatawag na Singularity Period. Tinatayang aabutin ang computer na ito, na may bilis lamang na 1.5MhzCPU, ng humigit kumulang na 600 taon upang matapos nito ang nasabing kalkulasyon.

Room129

2005-08-19T23:37:00.000+08:00

Sa aking pagkakaalam ay hindi lamang sa LaPaz batchoy kilala ang Iloilo. Ang mga tao rin dito'y kilala sa pagkamasayahin, mababait, at palakaibigan. Nais kong ipakilala ang isa sa mga naging kaibigan dito na si Wella.

Siya ay 19 na taong gulang, sa kaniyang paglahad sa akin. Siya ay nakatulong sa akin sa isa sa mga proyektong aking ginagawa. Siya ay isang taong napaka sweet at maraming alam sa larangan ng kanyang pagkadalubhasa na tulad rin sa akin.

Narito naman si Pretzie.

Nais kong pasalamatan siya sa pagbigay niya ng kanyang maayong larawan upang ito'y aking maging remembrance. Malaking tulong din si Pretzie sa aking naging proyekto doon sa Iloilo. Kakatuwa lamang ang kanyang pamamaraan ng pananalita sapagkat minsa'y para siyang Intsik kung managalog. Ngunit sa kanyang pananalitang iyon ay minsa'y nagtutunog rin siyang parang si Tarsan, lalo na kung lasing. Anupama'y isa siya sa mga napakabait na katrabaho at siguradong kasama siya ulit sa mga susunod kong proyekto doon. Sa larawang ito kapansinpansing may kahawig siya kay Anna Leah Javier ng maalindog na grupong Viva Hotbabes. Ang sabi niya nama'y minsang inihawig siya kay Amanda Page. Si Pretzie ay Libran at siya ay dalubahsa sa feminie wash na aming naging proyekto noon.

Ito naman ang aking personal na larawan sa kanya. Mayroon akong 3 awit na maitutugma sa larawang nasa itaas. Ito ay ang:

a. Here in my Room ng Incubus

b. 11am ng Incubus

c. Time to Say Goodbye ni Nina

:0)

Iloilo City, Airport Edition

2005-08-18T21:30:00.000+08:00

Ibig kong simulan ang bahaging ito ng aking blog sa pag kumpara sa mga airports ng Manila at ng Iloilo. Tinatawag na Centennial Terminal ang airport sa Manila na kung saan mga PAL lamang ang gumagamit maging international o domestic ang biyahe. Sa Iloilo naman, iisa lamang ang airport. Malaki at maayos ang centennial airport. Dito ay may maganda at palaging malinis na palikuran at ang paligid ay may maayong lamig. May mga mabibilihan dito na iba't ibang makakain, babasahin, at ilang souvenir items. Ang aking payo lamang ay bumili na ng tubig sa labas sapagkat ang pinakaliit na botelyang tubig ay nagkakahalaga dito ng P45. Sana lamang any may free wireless ang malaking airport na ito. Ang Iloilo airport naman ay medyo may kaliitan subalit aking napansin ang mga bagong idinagdag dito mula ng ako'y huli ditong nakapunta. Mayroon na ngayong malaking TV at naka-cable na ito. Kapansin pansin ding wala na ang mga naglalakihan bentilador sapagkat napalitan na ito ng mga aircon. Mayroon ding mabibilihan ditong samu't saring mga bagay ngunit sa susunod ko na lamang ito bibigyan ng pansin dito. Sa larawang ito ay ipinapakita ang liwanag sa labas sapagkat sa kasalukuya'y sumasabog noon ang isang eroplano ng Air Philippines nang ito ay naglanding dito ng walang mga gulong.

Narito pa ang ilang larawan sa pagkumpara ng dalawang nasabing airports.

(May tinatawg na bridge ang centennial na kung saan ay makakatungo ka mula sa waiting lodge nito papuntang eroplano samantalang sa airport ng Iloilo naman ay kailangan mo pang lumabas at umakyat ng wheeled stairs upang makasakay.)

Rebyu

2005-08-16T09:33:00.000+08:00

May mga pagkakataong aking irerebyu ang mga bagay na tunay na pumukaw ng aking pansin sa mga nakaraang araw. Maari itong maging mga awitin, palabas sa sinehan, albums, aklat o mga lathalain, restaurants, at iba pa. Tulad ng kagabi'y pinalad akong makita ang mga DVD na aking nang matagal na hinahanap; na tunay ngang akin namang ikinatuwa. Narito rin ang aking mga rebyu sa mga ito:

The Corrs Unplugged
Rating: 18.6 billion stars
P60

Ang matagal ko na ngang hinanahap na MTV Unplugged ng the Corrs na ngayo'y nasa 5.1ch version. Naganap ang recording na ito noong 1999 sa MTV Unplugged sessions at ito na maari ang kanilang pinakamagaling na live performance. Sa DVD na ito, kakatuwang hindi nila inalis ang pagkakamali ni Caroline sa bandang huli ng awiting Runaway. Isa din sa dapat kapanabikan dito ang awiting No Frontiers na kung saan nagtambal dito sina Sharon at Caroline.

IncuBus Morning View Sessions
Rating: 21.14 billion stars
P60

Bagamat marami na silang inilabas na DVD versions ng kanilang iba't ibang concerts, ang Morning View Sessions lamang ang dito'y may kadaliang matatagpuan. Sa DVD na ito ay ang mga kapanapanabik na awiting Drive, Mexico, Nice to Know You, at Wish You Were Here.

Sin City
Rating: 19.3 billion stars
P60

Napakahusay ng paglalahad dito ng tunay na mga eksena sa komiks na Sin City ni Frank Miller. Isa sa mga direktor nito ay ang batikang si Quentin Tarantino kaya nga't ito'y may kakaibang aksyon at may pangkabuuang kabuluhan ang tatlo nitong mga bahagi. Sa sobrang ganda ng pelikulang ito ay naunahan na itong ilabas sa ating mga mamamayan bago pa man ang opisyal nitong paglabas sa merkado.

6-in-1 Monica Bellucci DVD
Rating: 120.8 billion stars
P80

Sa DVD na ito matatagpuan ang 6 na pinakamahusay na pelikula ng premiryadong aktres na si Monica Bellucci. Gayunpama'y sa Malena at Irreversible inilahad ng aktres ang tunay niyang angking kakayahan sa pinilakang tabing.

_________________

Abangan din ang pagbabalik ni Fiona Apple sa darating niyang album na Extraordinary Machine. Malipas na halos 6 taon nang nabuo ang album na ito subalit hindi nga nailabas sa masa sa dahilang hindi naniwala ang Sony sa kakayahan ng mag aawit na umangat sa merkado ang kanyang pamamaraan ng musika. Abangan ang ikatlong album na ito sa Oct.4, 2005.

Ika-9 na Dimensyon

2005-08-11T16:37:00.000+08:00

-Ang 11-dimensyon (space-time) ng sansinukob na kung saan ipinapakita ang 5 superstrings at ang relasyon nito sa supergravity.

Sa aking pag aaral ng M-theory ay lubos kong tinuunan ng pansin ang pagkakaroon ng higit pa sa 4 na dimensyon ng ating kalawakan. Sa ating pang araw-araw na pamumuhay ay nakakapansin tayo ng mga bagay na alam naman nating nasa paligid ito ngunit biglang nawawala. Halimbawa'y noong Aug2 ay nahulugan ako ng isang bagay sa isang di kalakihang kuwarto ngunit hindi na namin natunton ang kinaruruunan. Sa tulong ng syensa ng M-theory at ang aking pagkadalubhasa dito ay nahanap ko ang bagay. Nasa akin lang pala, ngunit ito'y aking nakita sa ika-9 na dimensyon ng aking suot na sapatos. Nakita ko rin sa dimensyong ito ng aking sapatos ang isang lumang dalawampung piso, 1 susi, pinagbalatan ng balut, at 3 hinog na mangga.

M-Theory

2005-08-09T19:23:00.000+08:00

Sa kasalukuyan ay malubos kong ginagamit ang aking oras sa pagaaral ng teyorya ng sansinukob. Nais kong gamitin ang pagkadalubhasa ko dito sa pagluluto ng porkchop. Samantala, Tudings pa rin ang No.1.

Gapo

2005-08-05T12:42:00.000+08:00

Narito ang isang pangkaraniwang gabi sa Gapo sa labas lamang ng Subic. Dito'y pangkaraniwan lamang ang mga grocery stores na magdamagang nakabukas tila ba 7-11. Sa gabing paglalakad (sa totoo'y ala-una na iyon) ay buhay pa rin itong maliit na lugar sa Gapo. Ang inaasahang pag tutuos sa Asahi beer (tanging sa subic free port ko lamang ito matagpuan) ay panandaliang ipinagliban upang pagbigyan si pareng light. Sa dami ba namang kinang sa gabing iyon ay hindi naayong sa hotel na lamang maglight. Kasama ang isang kaibigan ay nakatagpo kami sa di kalayuan ng maayong lugar upang magpalamig. Ibig ko mang gumamit ng kamerang may maatas na resolusyon ay napilitan ko na lamang gamitin ang aking telepono dahil alam ko namang ito ay bawal sa lugar na ito at upang sa manawari'y aking ilahad dito ang isang mallit na sulyap sa loob ng mga nagkikinangang establisyemento sa gabi.
Sisihin ang mga pamunuuan ng O2 sa paglagay nila ng di kanaisnais na camera sa kanilang telepono.

Asahi

2005-08-03T11:17:00.000+08:00

Sana'y makabili ako ng Asahi beer mamaya at malasing nito sa gabi, sa Subic.

Tabla

2005-08-02T20:10:00.000+08:00

Upang manalo sa laro o laban ay kailangang pagisipang mabuti ang susunod na galaw at maghanda ng nararapat na taktika. Hindi ako ganon.

Nagsimula ang laro sa pagpasa ng dokumentong mura lamang ngunit sa tingin ng pagbibigya'y langit kataas. Sa ilang taon na kasing nalilibre, tila ba kahit piso ay mahal. Matapos ng maraming pagsiyasat ay nauwi rin sa "titingnan pa namin" ang eksena. SCORE 0-1

Mabilis ang mga susunod na pangyayari. Si Luningning na akala ko'y malaon ng lumisan ay tila ba isang masarap na ihip ng hanging dumating. May dahilan pa upang bumalik sa mga susunod na araw. Ngunit sa ngayon: SCORE 0-2

Medyo mabigat ang kalaban. Siya ang isa sa pinakamalakas ngayong taon at ako'y nag-iisa lamang. Akin lamang natandaa'y gayahin mo ang kalaban at ika'y makakapuntos. Sa una'y mukhang wala ng pag asa ngunit may kasabihan ngang "walang matigas na tinapay sa ..Goldilocks". Akin bang malay na ngingiti rin ang katunggali? Akin na ang puntos, oras na upang mag pinoy istayl ispageti. SCORE 1-2

Maaga akong nakarating sa fairview. Ngunit ginabi rin ako upang masupil si Norton at ang Multo. Mabuti ay dala ko si Windows 95 boot disk na tila bang naglahad bigla ng kanyang kahalagahan. Isang text na Thank you very much ang nagbadyang: SCORE 2-2

Times like these calls for an Ihi ni Maria:

IHI NI MARIA

2 1/2 oz vodka
1/2 oz dry martini
1/4 oz cointreau
lemon wedge as garnish

stir with 4 cubes ice on a 4 inch glass

Multo

2005-08-01T20:03:00.000+08:00

Ubod ang aking respeto sa mga pamunuan ng Symantec sa kanilang produktong Norton Ghost. Di mo akalaing nakatipid ang isang pang pamununuan ng halos isang milyong piso, katapat lamang ay tatlong CDs ng imahe ng kanilang hard drive.

Babala po lamang na walang fdisk ang Norton Ghost '03 boot disk gamit upang partisyunin ang isang bagong hard drive. Sa madali't salita ay nasayang lamang ang aking mahabang biyahe sa fairview.

***

Caller1: Hello nandyan po ba si Mang Andoy?
Caller2: I'm sorry but Mang Andoy has already past away... would you like to leave a message?

Ang Panimula

2005-08-01T11:30:00.000+08:00

Magandang gabi.

Aking sinisimulan ngayon ang aking online-blog sa kadahilanang ito sana'y inyong kagiliwan o kundi ma'y matuunan ng pansin at panggalingan ng reperensya sa anumang bagay na ito'y makakatulong. Aking ilalahad dito ang aking iba't ibang pananaw, sa pang araw-araw na pamumuhay bilang isang tuldok dito sa daigdig. Aking bibigyan ito ng istilong sa abot ng aking makakaya'y... basahin n'yo na lang.

Mga bagay na aki'y panimulang sasagutin:

Bakit tagalog? - Wala lang. Kapansinpansin na kasi ang iilan lamang na blog na tagalog.

Lahat ba ng entry ay tagalog? -No. Ngunit aking pipilitin na lahat ay tagalog.
Paunawa: Sa minsan kong paglahad sa ingles, maari ninyong itama ang aking mga pagkakamali, sa anumang oras na inyong nanaisin, sa inyong sariling isip lamang.

Bakit "Isa pang rice" ang titolo ng blog? -Ang katagang ito ay masasabi na nating tipikal sa pang araw araw na buhay ng isang nanananghalian sa labas. Ito ma'y isa sa aking madalas na ginagamit. Mayroon din itong malalim na kahulugan, kung ano'y hindi ko pa alam.

Tunay bang ikaw ang nasa larawan? -Hindi po, bagamat ang nararapat na istilo ng pagbasa ng nakapaloob dito'y ang kanya.

Hindi ba't napakaganda ng araw ngayon?